Аслă Çĕнтерĕве халалласа Чăваш патшалăх гуманитари ăслăлăхĕсен институчĕ,  И.Н. Ульянов ячĕллĕ Чăваш патшалăх университечĕ,  Чăваш Республикин вĕренÿ институчĕ, «Хыпар» хаçат, Чăваш наци радиовĕ, Чăваш наци телевиденийĕ, Чăваш наци конгресĕ, И.Я. Яковлев ячĕллĕ Чăваш патшалăх педагогика университечĕ «Пĕтĕм чăваш диктанчĕ - 2015» акци ирттереççĕ. Вăл чăвашсем пурăнакан пур хулапа ялта 2015 çулхи ака уйăхĕн 24-мĕшĕнче, эрне кун, иртмелле.

Çак акцин тĕп тĕллевĕ – чĕремĕрсене çÿçентерекен вăрçă тематикисĕр пуçне пурнăç тÿпинчи чăваш чĕлхин пĕлтерĕшĕпе сумне тата малашлăхĕпе кирлĕлĕхне тепĕр хут аса илтересси, çак илемлĕ те арпашуллă тĕнчен кисревĕнче тăван чĕлхемĕре малалла упраса аталантарасси.

Задачисем:

− чăвашла çырма пĕлнине тĕрĕслесси;

− чăвашла пĕлекен кашни çынна хăй тĕрĕс çырма пултарнине тĕрĕслеме майсем туса парасси.

Хальхи вăхăтра асăннă диктант тексчĕн конкурсĕ пырать. Аса илтеретпĕр: иртнĕ çулсенчи диктант тексчĕсене Чăваш халăх поэчĕ Юрий Сементер тата ЧР искусствăсен тава тивĕçлĕ деятелĕ Марина Карягина хатĕрленĕччĕ.

Хатĕр текстсене Чăваш патшалăх гуманитари ăслăлăхĕсен институтне çитерессе шанатпăр е электрон почтăпа ярса пама ыйтатпăр: Этот e-mail адрес защищен от спам-ботов, для его просмотра у Вас должен быть включен Javascript . Ыйтса пĕлмелли телефонсем: 8(8352)45-07-87 (Петров Л.П.), 8(8352)45-02-58 (Кузнецов А.В.).

Чăваш Республикин патшалăх тытăмĕнче ĕçлекенсем, культурăпа искусство ĕçченĕсем, студентсемпе шкул ачисем – чăваш чунлă мĕн пур çын «Пĕтĕм чăваш диктанчĕ» акцие хутшăнасса кĕтетпĕр.