Это архивная версия сайта. Новый сайт находится по адресу https://chuvsu.ru
|
|
Шупашкарта иртнě эрнере «Раççей студенчĕсен мисĕпе мистерĕ» конкурс иртрě. Аса илтеретпěр, унта 26 регионти чи ǎста та пултаруллǎ яш-кěрěм хутшǎнчě. Ăмăрту епле иртнине тата «Мисс тата Мистер» ятсене камсем çěнсе илнине Юлия Адюкова пěлет.
И.Н.Ульянов ячĕллĕ Чăваш патшалăх университечĕ паян — паллă та вăйлă аталанакан аслă шкулсенчен пĕри. Андрей Александров ректортан ĕçри çĕнĕлĕхсем çинчен каласа кăтартма ыйтрăмăр.
Çамрăксене хăйсем çуралса ÿснĕ регионтах хăварас тесен мĕн тумалла? Шăпах çак ыйтăва сÿтсе яврĕç паян И.Н. Ульянов ячĕллĕ Чăваш патшалăх университетĕнче.
И.Н. Ульянов ячĕллĕ Чăваш патшалăх университечĕн студентне, олимп резервлă 2-мĕш спорт шкулĕнчи фристайл уйрăмĕн вĕренекенне Лана Прусаковăна Красноярск хулинче иртнĕ Пĕтĕм тĕнчери хĕллехи универсиадăри çĕнтерÿшĕн республика бюджетĕнчен 75 пин тенкĕ уйăрма палăртнă.
Кăçалхи «Пĕтĕм чăваш диктанчĕ – 2019» акцие Чăваш чĕлхи кунне тата Шупашкар хули йĕркеленнĕренпе 550 çул çитнине халалланă.
В очерке чувашской молодежной газеты рассказывается о творческой деятельности Валентины Никитиной, выпускницы факультета журналистики Чувашского государственного университета ...
Чăваш Енре студентсем йышĕнче спортпа туслă чи хастар çамрăксене палăртрĕç. Студентсен ассоциацийĕн спорт клубĕсен чемпионатне республикăри 3 аслă шкул хутшăнчĕ. Çĕнтерÿçĕсене паян Чăваш патшалăх университетĕнче чысларĕç.
И.Н. Ульянов ячĕллĕ Чăваш патшалăх университечĕ паян мĕнле аталанать-ха? Абитуриентсене тата ашшĕ-амăшне мĕнле ыйтусем хумхантараççĕ?
Çĕнĕ вĕренÿ çулĕ пуçланнă май ГТО нормисене паракансен йышĕ хушăнать. Хальлĕхе унăн çуллахи тапхăрĕ пырать. Чăваш патшалăх университетĕнче 200 яхăн студент ĕçпе хÿтĕлеве хатĕррине çирĕплетрĕ.
Шкул — ялти социаллă тата культура центрĕ пултăр тесен мĕн тумалла. Ял учителĕн ăçта тата мĕнле пурăнмалла? Çак тата ытти ыйтăва пленарлă лару хыççăн вĕрентекенсем калаçу лапамĕсенче сÿтсе яврĕç. Пирĕн пултарулăх ушкăнĕ вĕсенчен пĕринче пулчĕ.
Лекци теми - Чăваш Ен аталанăвĕ, ăна вулаканĕ республика пуçлăхĕ Михаил Игнатьев. Ульянов ячĕллĕ Чăваш патшалăх универститĕнче иртрĕ вăл.
И.Н.Ульянов ячĕллĕ Чăваш патшалăх университечĕ вунă общежити тытса тăрать. Вĕсенче 2903 студент тата вĕренÿ заведенийĕнче ĕçлекен 276 çын çемйисемпе пурăнаççĕ. Кăçалхи çĕртме-çурла уйăхĕсенче 7-мĕш...
"Пĕтĕм чăваш диктанчĕ - 2016" акцие пĕтĕмпе 6374 çын хутшăннă. Вĕсенчен: "5" илекенсем 1708 çын (26,80%); "4" илекенсем 2522 çын (39,57%); "3" илекенсем 1808 çын (28,36%); "2" илекенсем 334 çын (5,24%); текста туллин ярса паманнипе ĕçне хакламаннисем 2 çын (0,03%).
Чăваш Енри Ĕç çыннин çулталăкне тата Чăваш чĕлхи кунне халалласа Чăваш патшалăх гуманитари ăслăлăхĕсен институчĕ, Чăваш Республикин вĕренÿ институчĕ, «Хыпар» хаçат редакцийĕ...
Вĕренсе тухакансене ĕçе вырнаçтарасси яланхилле çивĕч ыйту. Пĕлÿ учрежденийĕсенчен вĕренсе тухакансенчен кашниех хăй специальноçĕпе ĕçе вырнаçса тивĕçлĕ ĕç укçи илме шанать. Анчах та алла диплом илекенсем час-часах тĕрлĕ йывăрлăхпа тĕл пулаççĕ.
Темиçе кун каялла Владимир Путин Физкультурăпа спорт пирки калакан саккуна улшăнусем кĕртнĕ, çапла майпа Ĕçпе хÿтĕлеве хатĕр нормăсене çĕршывĕпех ирттерессине палăртнă. Анчах чылай регионта çак пуçарăва ырласа ГТО нормисене чылай маларах пурнăçлама тытăннă.
Нобель премине илме тивĕçмен-ха ку çамрăк. Анчах хăй умне пысăк тĕллевсем лартать. Ăслăлăх çулне чун ыйтнипе суйланă Чăваш Ен каччи Иван Бардасов Раççей Президенчĕн грантне тивĕçнĕ. Ăна паян çак çитĕнÿпе саламларĕç.
Кăçал та Чăваш Енри 1000 çамрăк ЧР Пуçлăхĕн стипендине тивĕçрĕ. Паллă ĕнтĕ: çав йыша чи пултаруллисем, пуçаруллисем, ĕçре хăйсене кăтартнисем лекнĕ. Шупашкарта пурăнакан Артем Гаврилов çак хисепе иккĕмĕш хут тивĕçнĕ.
Чăваш патшалăх университечĕ тĕнчен тĕрлĕ кĕтесĕнче вырнаçнă аслă шкулсемпе туслă çыхăну йĕркеленĕ. Беларуç, Казахстан, Германи, Итали тата ытти çĕршыври студентсемпе преподавательсем Чăваш Ене килсе кураççĕ, пирĕн ентешсем те вĕсем патĕнче хăнара пулаççĕ. Иртнĕ çул акă вĕренÿ учрежденийĕ Китайри Гуйчжоу университечĕпе килĕштерсе ĕçлемешкĕн ятарлă документа алă пусса çирĕплетнĕ.
Чăваш патшалăх университетĕнче «Ашмарин вулавĕсем» ăслăлăхпа-практика конференцине ирттересси йăлана кĕнĕ.
«Раççей — спорт çĕршывĕ» форум пуçланиччен нумай та вăхăт юлмарĕ. Ĕçĕ вара пурин валли те çителĕклĕ. Çав шутра волонтерсем валли те. Чăваш патшалăх университетĕнче вĕренекен 90 студент суйлав али витĕр тухса форум ирттерме пулăшакансен йышне тăнă.
Авăн уйăхĕн 8-11-мĕшĕсенче Нальчик хулинче Х.М.Бербеков ячĕллĕ Кабарда-Балкар патшалăх университетĕнче Еврази университечĕсен профсоюз организацийĕсен ассоциацийĕн /ЕУПОА/ XXVII съезчĕ иртрĕ.
Тĕрлĕ тĕслĕ хăмпă, таса та тирпейлĕ пÿлĕмсем, хаваслă юрă-кĕвĕпе тулнă зал - çакăн пек ÿкерчĕкпе кĕтсе илчĕ хăйĕн студенчĕсене, вĕрентекенĕсене, хăнасене Мускав патшалăх машиностроени университечĕн филиалĕ - Шупашкарти политехника институчĕ авăн уйăхĕн 1-мĕшĕнче.
И.Н.Ульянов ячĕллĕ Чăваш патшалăх университечĕ - Чăваш Республикин вĕренÿ, ăслăлăх, культура тĕп центрĕ. Вăл уçăлнăранпа - 47 çул, çак тапхăрта кунта 100000 специалиста вĕрентсе кăларнă, çав йышран 70000-не яхăн - куçăн майпа.
Професси шайĕ пысăк пулнишăн, хастарлăхшăн, публикацисен çивĕчлĕхĕпе тĕрĕслĕхĕшĕн И.Н.Ульянов ячĕллĕ Чăваш патшалăх университечĕн пресс-службăпа информаци пайĕ "Вуз пресс-служби - 2013" Пĕтĕм Раççейри I конкурсра диплома тивĕçнĕ. Унта Раççейри 65 регионти 181 аслă шкул хутшăннă.
Республикăри пултаруллă çамрăксем пирки хаçатра тăтăшах çыратпăр. Вĕсен йышĕнче - стипендиатсем, тĕрлĕ шайри конкурс-ăмăрту çĕнтерÿçисем. Хальхинче «ÇХ» тĕпелне РФ Президенчĕн çĕр-шыври çамрăк ăсчахсене паракан 600 пин тенкĕлĕх грантне тивĕçнĕ Михаил Беликова чĕнтĕмĕр. Вăл - И.Н.Ульянов ячĕллĕ ЧПУн химипе фармацевтика факультечĕн доценчĕ. Михаил студентсене вĕрентме, ăслăлăх ĕçĕнче сулмаклă утăмсем тума епле ĕлкĕрет-ши?
Нарăсăн 7-мĕшĕнче Сочире пуçланакан хĕллехи Олимп вăййисене пурте чăтăмсăррăн кĕтеççĕ. Чăваш Ен те тĕнчери чи пысăк ăмăртăвăн пĕр пайĕ пулса тăчĕ, çакă чăваш хĕрĕн Сильвия Петровăн ячĕпе уйрăмах çыхăннă.
Интернетри нумай çын усă куракан vk.com сайт чăвашла «калаçма» пуçларĕ. Акăлчан, вырăс, китай тата ытти халăх çыннисем унта тахçанах хăйсен тăван чĕлхипе çыру вĕçтереççĕ. Ака уйăхĕнчен пуçласа кăмăл тăвакансем “контактăн” чăвашла версийĕпе усă курма пултараççĕ.
Раштавăн 10-мĕшĕнче И.Н. Ульянов ячĕллĕ Чăваш патшалăх университечĕн тĕп корпусĕнче çĕнĕ ректор суйлас ыйтупа конференци иртнĕ.
Наци библиотекинче „Алăран – алла. Пире тата пулас ăрăва” ыр кăмăллăх акцийĕ малалла тăсăлать. Унта Чăваш Ен вулавăшĕсене пулăшма хатĕр кашни çын хутшăнма пултарать. Халăха çĕнĕ кăларăмсемпе паллаштарма тăрăшакансен ячĕсем Наци библиотекин историйĕнче çырăнса юлĕç.
Камсене?! И.Н. Ульянов ячĕллĕ ЧПУ абитуриенчĕсене. Вăл – Wall-Eробот. Унпа кирек кам та сăн ÿкерĕнме пултарнă. Робот, фантастика мультфильмĕнчи юратнă сăнар, абитуриентсемпе çурла уйăхĕнче те тĕл пулĕ.
Утă уйăхĕн 6-17-мĕшĕсенче Хусанта Пĕтĕм тĕнчери XXVII Универсиада иртнĕ. Çапла Раççейри чи пысăк стадионсенчен пĕринче – „Хусан-Аренăра” – Студентсен вăййисен çулăмĕ савăнăçлă ларутăрура сÿнчĕ. Çак тапхăрта 351 медаль выляттарнă, вĕсенчен 292-шне пирĕн çĕр-шыв спортсменĕсем çĕнсе илнĕ: 155 „ылтăн”, 75 „кĕмĕл” тата 62 „бронза”. Çавăнпах Раççей команди пĕрремĕш вырăна тухнă.
Елчĕк районĕнчи Таяпа Энтри ялĕнче çуралса ÿснĕ Юрий Оленкин кĕркунне 44 çул тултармаллаччĕ. Шел те, И.Н.Ульянов ячĕллĕ Чăваш патшалăх университечĕн доценчĕ, философи наукисен кандидачĕ йывăр чире пула пирĕнтен çулталăк каялла уйрăлчĕ.
И.Н. Ульянов ячĕллĕ Чăваш патшалăх университетĕнче Хусанта иртекен Пĕтĕм тĕнче Универсиадине халалласа сăн ÿкерчĕксен куравĕ уçăлчĕ.
Эрне кунранпа пыракан Универсиада шăв-шавĕ Чăваш Енре те лайăх илтĕнет. Эпир пурсăмăр та 162 çĕр-шывран пухăннă студентсене пысăк ăнăçу сунатпăр, çĕнтерÿçĕсемшĕн пĕрле савăнатпăр.
XXI ĕмĕр - профессионалсен ĕмĕрĕ. Çакна шута илсе паянхи çамрăксем май пур чухне вĕренме, тавра курăмне анлăлатма, хальхи йышши технологисене алла илме тăрăшаççĕ. Чи пултаруллисем вара инноваци тата ăслăлăх ĕçне хастар хутшăнаççĕ. Вĕсене палăртнă ĕмĕт-тĕллевне пурнăçа кĕртмешкĕн пулăшас тĕллевпе пирĕн республикăра тем тĕрлĕ конкурс ирттереççĕ, грантсем сĕнеççĕ.
Республикăра сăн ÿкерчĕксен «Объективра – ăслăлăх» конкурсне пĕтĕмлетнĕ. Унта И.Н. Ульянов ячĕллĕ Чăваш патшалăх университетĕнче ĕçлекенсемпе вĕренекенсем хастар хутшăннă, малти вырăнсене йышăннă.
Чăвашла çырма пĕлнине тĕрĕслес тĕллевпе ака уйăхĕн 24-мĕшĕнче Чăваш Республикин Информаци политикипе массăллă коммуникацисен министерствин ĕçченĕсем «Пĕтĕм чăваш диктанчĕ-2013» акцие хутшăнчĕç.
И.Я. Яковлев çуралнăранпа 165, Н.В. Никольский çуралнăранпа 135 çул çитнине халалласа И.Н. Ульянов ячĕллĕ Чăваш патшалăх университечĕ, И.Я. Яковлев ячĕллĕ Чăваш патшалăх педагогика университечĕ, Чăваш Республикин Вĕренÿ институчĕ, Чăваш патшалăх гуманитари ăслăлăхĕсен институчĕ, «Хыпар» хаçат тата Чăваш наци радиовĕ «Пĕтĕм чăваш диктанчĕ» акци ирттереççĕ. Вăл 2013 çулхи ака уйăхĕн 24-мĕшĕнче чăвашсем пурăнакан пĕтĕм тĕнчери хулапа ялта иртет. Акцин тĕп тĕллевĕ – чăваш чĕлхин пĕлтерĕшне, сумĕпе хисепне ÿстересси.
Историре çырăнса юлнинчен хут, компас, тар /порох/ тата этемшĕн кирлĕ ытти япала пирвайхи хут Китайра çурални паллă. Халĕ хăйĕн таварĕсене тĕнчипех саракан çĕр-шыв çыннипе ку таранччен сăмах вакласа курманччĕ.
ЧР Вĕренÿ министерстви тата республикăри çамрăк тĕпчевçĕсемпе специалистсен канашĕ „Чăваш Енри чи лайăх çамрăк тĕпчевçĕсем” конкурса пĕтĕмлетнĕ. Конкурса аслă професси пĕлĕвĕ паракан 7 учрежденипе 1 предприятирен 21 ĕç тăратнă. Унта 40 çула çитмен ăслăлăх докторĕсемпе кандидачĕсем хутшăннă.
Паян Раççейре Ăслăлăх кунне паллă тăваççĕ. Ачасене халĕ шкултах наука ĕçне явăçтарма тăрăшаççĕ. Вĕренекенсем хăйсен тĕпчевĕсемпе конференцисенче тухса калаçаççĕ. Ăслăлăхпа çунатланма пăрахманнисем студент чухне те аталанма чарăнмаççĕ. Диплом илсен аспирантурăна
Çапла, килĕштерсен, чунран савсан каччă хăш наци çынни пулни те, ют чĕлхепе калаçни те, мĕнле тĕне ĕненни те, еплерех йăла-йĕркене пăхăнса пурăнни те пĕлтерĕшлĕ мар. Шупашкарта çуралса ÿснĕ Анна Таллерова И.Н.Ульянов ячĕллĕ Чăваш патшалăх университетĕнчен 2009 çулта вĕренсе
Математикăпа халăхсем хушшинче ирттерекен „КЕНГУРУ” тата вырăс чĕлхипе „Вырăс упа çури – чĕлхе пĕлни пурне те кирлĕ” Раççейри шкул ачисем хушшинче чăннипех те юратакан, паллă, сумлă вăйă конкурссем пулса тăчĕç.
В ЧГУ им. И.Н. Ульянова начала работу «горячая линия» для абитуриентов. 8-800-550-79-88
(звонок бесплатный) специалисты приемной комиссии будут консультировать поступающих и родителей. 8 (8352) 45-20-27 (по вопросам дистанционного обучения) |
|